23FEB 2024
काठमाण्डु - नवलपरासी
DAY-1
24FEB 2024नवलपरासी
-रुपन्देही- कपिलवस्तु- दाङDAY-2
होटल हेभन बाट 0700Hrs नारायणी नदीबाट उडेर आएको स्वच्छ बतास संग रमाउदै गण्डक ब्याँरेज तिर लाग्यौ । नारायणी नदीको पानी सबै खोसेर नेपाल बाट भारतको बिहार तर्फ लगेका नहरको ढिकमा बाईक राख्यौ । सूर्यको तंग्रेको प्रकासले नारायणी नदीको जलासयमा हामी जस्तो पाहुनालाई भिडियो र तस्विर खिच्न निम्ता दिन थाल्यो। सामुहिक तस्विर खिच्यौ। निलो र कञ्चन पानी सबै भारत तर्फ बगेर गएको देख्दा सबैका मन फतक गलेका देखिन्थ्यो । नारायणी नदी बाट उठदै गरेको चिसो बतासको स्पर्श लिदै गण्डक ब्याँरेजको ढोकाहरु दृष्यालोकन गर्दै भारतको सिमाना नजिक पुग्यौ ।
सुस्ता गाउको वतावरण देख्दा रुञ्जे स्वभावमा नियाल्न पाउदा हाम्रो आँखाका परेलीहरु रसाउन थाल्यो। सुस्ता गाउको प्राङ्गन तिर राताम्मे सिमलको फूलले गाउको सोभामा बढाएका दृष्य देख्दा मन गौरवले फूलेको थियो । गण्डक ब्याँरेज बाट फुत्केर बगेको पानीमा माछा मरिरहेको देख्यौ तर नेपालको भूभागमा नारायणी जलासयमा माछा मार्न नपाईने भएकाले माछा मार्ने मान्छेहरु देखिदैन्थे । नेपालको पानी खोसेर लगेको नेपाली भूमिको नहरको छेवैमा खाजा घरहरु निक्कै देखिन्थे। गण्डक ब्याँरेज घुमेर फर्केर आउदा अडर गरि राखेको खाजा तयार भईसकेको थियो।
त्रिवेणी बस्तिमा पुरै पहाडी मुलका नेपालीहरु देख्यौ। साहुनी दिदी संग यहि कुरा गर्दा उहाँले यता तिर सबै पहाडी मुलका नेपालीहरुको बसोबास भएको बताईन्। खाजा खाईसके पछि छेवैमा नेपालको भन्सार कार्यलय हुँदै नारायणी नदीको पानी थुनेर लगिएको नहर पछ्याँउदै परासी बजार पुग्नका लागि सोझियौ । परासी बजार देखि हुलाकी राजमार्ग वरिपरि आँखाले हेरि नभ्याउने गरि हरियाली गहुँ बारी र तोरीबारी फूलेर बसेको मनोरम वतारणले रतौली खेलेको दृष्यालोकनमा मस्त हुँदै गर्दा भैरहवाको देवकोटा चोकमा निस्क्यौ। सुनौली नाका हेर्न गयौ ।
सुनौली नाका नियाले पश्चात गौतम बुद्धको जन्म स्थान लुम्बिनी क्षेत्र घुम्यौ । लुम्विनीको पर्सा चोकको उड क्याँफेमा खाना खायौ । लुम्विनीको पर्सा चोक देखि हुलाकी राजमार्ग समाउदै कपिलवस्तुको तौलिहवा हुँदै गौतम बुद्धको दरवार तिलौराकोटमा पुग्यौ । तिलौराकोट दरबार क्षेत्र दृष्यालोकन गरे पश्चात बहादुरगंञ्ज सम्म हुँईकदा हुलाकी राजमार्गका वरिपरि बस्तिहरुमा धेरै मस्जितहरु देख्न पायौ ।
तौलिहवा देखि बहादुरगंञ्ज सम्म
गुडिरहदा पातलो बस्तिमा चौतर्फी गहुँ बारी र तोरीबारी फूलेर ढम्पक देख्न पाउदा
आँखाको ज्योतिलाई पुरै फुर्तिलो बनाई रहेको थियो। बहादुरगंञ्ज देखि चनौटा तिर
लाग्दा धेरै फ्याक्टी र बस्तिहरु देख्यौ । चनौटा बाट महेन्द्रराजमार्ग हुँदै
भालुबाङको होटल पौवामा बास बस्यौ । सुविधा सम्मन्न होटलमा आजको आकर्षण भनेको
भारतको सिमाना नजिक को त्रिवेणीमा पहाडी
मुलका नेपालीको बस्ति र हुलाकी राजमार्गमा गुडि रहदा नेपाली भूमि बाँझो देख्न
पाएनौ गहुँ र तोरीको खेतीले ढाकेर बसेक फाँट हेर्न
पायौ । कपिलवस्तुका बस्तिहरु प्रवेष भए पछि धेरै मस्जितहरु देख्यौ । आज हामीले देखेका फाँटरुहमा भविष्यमा प्लटिन देख्न नपोरोस भन्दै मध्यपानको चुस्की
लिदै गफिदै बस्यौ । भालुवाङ बास पर्यो भने होटल पौवा रोज्नु होला ।
25 FEB 2024दाङ-
बाँके- बर्दियाDAY-3
70KM प्रति घण्टाको गतिमा महेन्द्र राजमार्गमा गुड्दै दाङको अमेलिया मा खाजा खाना रोकियौ। अमेलियाको चोकमा रातो रंगले छोपेर राखेको शालिक देख्यौ । किन छोपेर राखेको सालिक भन्दा खुम बहादुर खड्को सालिक रहेछ। भष्टाचारको अभियोगबाट जेल मुक्त भएका खुम बहादुर खड्काको सालिक माओवादीले उद्धघाटन गर्न नदिएको जानकारी पायौ । अमेलियामा घमाईलो घाम ताप्दै खाजा खायौ।
राजमार्ग सिधा भएकाले बाईकको गतिलाई अवरोध नपर्ने भएकाले सवारी चाप पनि नभएकाले अघैया चौकबाट सिक्टा सिचाई बाँध तिर लाग्यौ। नेपालको लगानी र नेपालको पानी नेपालको सिंचाईका लागि सदुपयोग गर्दा खुशीले छाती फराकिलो भयो। सबै जनाले भिडियो र तस्विर खिच्यौ । राप्ती नदीको कञ्चन पानी सिचाईका लागि नेपाली खेतीयोग्य तराईको जमिनका लागि बालिनालीलाई हरियाली बनाउको लागि नहरमा बगिरहेको पानीलाई उत्सुक्ताका साथ हेर्यौ एक आपसमा खुशी साट्यौ।
सिंटा सिचाई नहर हुँदै पुनः हुलाकी राजमार्ग तिर गुड्यौ। पुरै हरियाली गहुँबारी र तोरीबारी नियाल्दै गुडिरहदा मोज सबैलाई भईरहेको थियो। सालघारी र सिमिल घारी भित्र गुड्दै सिधानिया घाटको पक्कि पुल तर्दै गुड्दै गर्दा नेपालगंञ्जको गहणा र मोतीले सजित कान्ति ताल देख्यौ। ताललाई एक चक्कर परिक्रमा लगायौ। तस्विर र भिडियो खिच्यौ ।
नेपालगंञ्जको बास पार्क हुँदै नेपाल र भारतको सिमाना रुपेडिया नाका
हेर्यौ। नेपालगंञ्जमा खाना खाए पश्चात धम्बोझी चोक बाट बर्दियाको गुलेरिया तिर सोझियौ
। खेती योग्य जमीनमा बाँझो कतै देखिन्थ्यो । बारीहरु सबैमा गहुँ बारी र तोरीबारीको हरियाली दृष्यमा आनन्दित हुँदै गुलेरिया बजार हुँदै कृष्णासार
संरक्षित क्षेत्रमा गयौ। कृष्णासार चरिरहेका देखिन्थे। गोधुली साँझको आगमन संगै
गुलेरिया बजारको बिजय होटलमा बास बस्यौ। साँझको खाना खादै गर्दा महावीर पुन संग
भेटघाट भयो । उहाँ आफ्नो जीवन कथा पुस्तक बेच्दै आउनु भएको थियो। उहाँ संग छोटो
कुरानी भयो । 20115 गुरुजीले हस्ताक्षर लिदै महाविर पुनको
पुस्तक किन्नु भयो । गुलेरिया बजारको राम्रो होटल भनेको बिजय रहेछ ।
26FEB 2024बर्दिया
-कैलाली- कञ्चनपुर- डडेल्धुरा- डोटीDAY-4
सूर्यको उषा नपोखिदै गुलेरिया बजारलाई छोड्दै हुलाकी राजमार्ग तिर गुड्यौ । हरियाली गहुँ बारीले छरेका चौतर्फी वतावरणमा मोहित हुँदै चिसो बिहानीले बाँडेको हर्षित पवन संग हुँईकिदै गर्दा कोठियाघाटमा पुग्यौ। १०१५मिटर लामो पक्की पुल कर्णाली नदीको भंगालोमा निर्मित रहेछ। कर्णाली नदीले छरेको स्वच्छ पवनले कलिलो बिहानीको रोमाञ्चकरी वतावरण देख्दा खुशीले अचम्मित हुन पुग्यौ।
सूर्यको कलिलो उषाले पखेटा फिजाउदै गरेको देखिन्यो । जुन बिस्तारै अस्ताउदै गईरहेको देखिन्थ्यो। जुनको बिछोड र घामको उदयले गर्दा कर्णाली नदीले पनि खुशीले आफ्ना आँसु पोखाउनका लागि बियोगान्त दृष्यको रुपमा निरन्तर सेतो वाफहरु नदीबाट उठिरहेको देखिन्थ्यो। तीन प्रकारका प्राकृतिक उपहार देखेर हामी त छक्कै पर्यौ । हाँस साथै अन्य चराचुरुङ्गीहरु बर्दिया निकुञ्ज तिर उडिरहेका र फर्किरहेका देखिन्थे । कोठियाघाटको लामो पक्की पुलमा बसेर स्वर्गिय पथ जस्तै लाग्ने गरि आनन्दित हुँदै बस्यौ । कर्णाली नदी शान्त स्वभावमा आफ्नै गतिमा बगिरहेको देखिन्थ्यो। कतै डल्फिनका हुलहरु देख्न पाईन्छ कि भन्दै एकोहोरिएर नियाल्यौ पनि तर चिसो मौसमले होला डल्फिनहरु पानीको गहिराईमा डुबिरहेका छन् होला भन्यौ। जति बसे पनि बसौ बसौ लाग्ने वतावरणमा करिव ३०मिनेट भुल्यौ ।
हुलाकी राजमार्गको दायाँ बायाँ पुरै खेतियोग्य जमिन बाँझो देखिएको देखिदैन्थ्यो। फाँटहरु र पाताला बस्तिहरु नियाल्दै अर्को कर्णालीको भंगालो सत्तियाघाटमा पुग्यौ । कोठियाघाटको पानीको बहाव भन्दा सत्तियाघाटमा कर्णालीको वहाव ठुलो देखिएता पनि कोठियाघाटको वतारण जस्तै मोज दिने खालको देखिएन। केहि क्षण तस्विर र भिडियो खिच्यौ । फाँटका बारीहरुमा उखुँका गह्राहरुले भरिएका देखिन्थे केहि ठाउमा काटेका उखु बारीलाई पोलेर कालै बनाएको देख्थ्यौ। गहुबारी उखुबारी र तोरी फूलेर पहेलै भएका फाँटहरु नियाल्दै धनगढी बजारमा पुग्यौ ।धनगढीबाट हुलाकी राजमार्ग बाट महेन्द्रराज मार्ग तिर गुड्ने योजना बनायौ ।
धनगढीमा खाना खाए पछि महेन्द्रराजमार्ग तिर गुड्दै कञ्चनपुरको दैजीमा पुग्यौ । दैजी चोकको बिनोद ताल नियाल्यौ । बेदकोट ताल हुँदै डडेलधुराको जोगबुढा पुग्ने जाने सडक स्थानियलाई सोध्यौ । बेदकोट ताल सडक को छेवैमा रहेकाले बेदकोट तालमा ३०मिनेट बितायौ । कच्ची सडकमा अनेकौ घुम्तिहरुलाई पछाडी पार्दै लिपना डाँडामा पुग्यौ । लिपना डाँडा कञ्चनपुर र डडेल्धुराको सिमान रहेछ ।
लिपना डाँडा बाट जोगबुढाको बलेसीमा बग्ने रंगुन खोला देख्दा कति बेला पुगौ जस्तो मनमा उमंग खेल्न थाल्यो। नौला गाउमा सख्खर र सख्खरको चिया खायौ । कच्ची सडकले उफारेको ज्याँनलाई सख्खरको स्वाँदले भगाई दियो । उँखुबारी पारी कान्तामा देखिन्थ्यो । डडेल्धुराको दक्षिण भेगका रमाईला बस्तिहरु नियाल्दै पुन्तुरा खोला भेट्यौ। पुन्तुरा खोला वारी पारी बस्तिहरु देख्दा केहि क्षण तस्विर र भिडियो खिज्यौ । पुन्तुरा खोला लाई पछाडि राख्दै जोगबुढा बस्तिमा प्रवेष गर्दा हरियाली गहुँ बारीमा झारहरु उखेलि रहेका देख्यौ गाउलेहरु ।
जोगबुढा गाउलाई रंगुन खोलाले रंगिन बनाएको रहेछ। रंगुन खोलाको पानीको खुराकले गर्दा टारबारीहरु पुरै गहु र तोरीबारीले ढाकेका देख्यौ। मदन भण्डारी लोकमार्ग जोगबुढा गाउ हुँदै पारि देखिएको रुपाल गाउ अन्तिम हो तर रुपाल गाउमा गएनौ। जोगबुढा बस्ने योजना भएता पनि सुविधा युक्त होटल नभएकाले रात पर्नलाई एक घण्टा समय भएकोले गर्दा जोगबुढा बस्तिमा बस्ने योजनालाई रद्द गरि ३०किलोमिटर दुरीमा अवस्थित डोटीको बुडार तर्फ लाग्यौ ।
कञ्चपुरको दैजी देखि
जोगबुढा ४१ किलो मिटर दुरी रहेछ । रंगुन खोला वारीपारीका मनोरम बस्ति साथै हरियाली
गहुँबारी नियाल्दै बुडारको होटल चाैतारी पुग्यौ ।
जोगबुढा देखि बुडार सम्म मदन भण्डारी लोकमार्गले छोएका गाउबस्ति हेर्न पाउदा
खुशीले चौप्ट भयो भन्दै साँझको खाना खादै गफियौ ।
27 FEB 2024डोटी
-डडेल्धुरा- कैलाली- डोटी DAY-5
डोटीको बुडार बाट डडेल्धुरा हुँदै बैतडीको झुलाघाट पुगेर डडेल्धुरा आएर आजको बास बस्ने योजना भएकाले बिहानको 0700Hrs गुड्यौ बुडार बाट । पानी पार्नका लागि आकासमा बादल सलबलाउदै गरेको देखिन्थ्यो। डडेल्धुराको भातकाँडामा बिहानी खाजा खायौ । कलिलो बिहानलाई पुरै छोपेर पानी पार्नका लागि बादल तयारी अवस्थामा देखिन्थ्यो।
डडेल्धुरा बजारमा पुग्दा पानीले हाम्रो योजनाई बिफल बनाई दियो। बैतडीको झुलाघाट पुग्ने योजना रद्द बनायौ । डडेल्धुरा बाट बुडार सहजपुर हुँदै डोटीको सिमचौरमा बास बस्ने योजनाले फर्क्यौ डडेल्धुरा बाट ।डडेल्धुरा बाट फर्कदा पानीले झापट दिन थाल्यो । चिसो मौसमा कुस्ति खेल्दै बुडारमा आयौ । बुडारमा कफी पियौ । कैलालीको सहजपुर देखि मदन भण्डारी लोकमार्गमा गुड्दै ठुलीघाट खोला वारी कैलाली र पारी डोटीका हरियाली गहुबारी सालघारी र कतै नाङ्ग पर्वतमालहरु नियाल्दै विपी नगर बस्तिलाई जोड्ने ठुलीघाट खोलाको पक्की पुल तर्यौ । विपीनगर बस्ति बेसी साथै समथर टार बारी देख्यौ । रमाईलो बस्ति रहेछ विपी नगर ।
कैलालीको सहजपुर देखि डोटीको बडीकेदार गाउपालिकाको अत्तर डाँडा सम्म मदन भण्डारी लोकमार्ग फराकिलो र पिच भईसकेको सडक रहेछ। अत्तर डाँडा खण्ड तिर घनाबाङ्लो गुराँस घारी जंगल भेट्यौ । गुराँसका झ्याँङले हामीलाई तस्विर र भिडियो खिच्न निम्तो दिनाले ३०मिनेट भुल्यौ । अत्तर डाँडा बाट ट्रयाक मात्र खोलिएकोले धुलाम्मे सडकमा गुड्दै साँझको 1800Hrs रन्तौला गाउमा आईपुग्यौ ।
सिमचौर नपुगिने हिसाबले उक्त गाउमा बास बस्ने योजना बनायौ। बडिकेदार गाउपालिका वडा कार्यलय नं ५ भवन नजिकै एक मात्र होमस्टे गुणस्तरको होटलमा बस्यौ। गोधुली साँझको आगमन संगै आगो ताप्दै कफी पिउदै बस्दै गर्दा भिम बोहरा जी संग चिनजान भयो । उहाँ ५ का वडा अध्यक्ष हुनुहुदो रहेछ । सिमचौर गाउ देखि सुर्खेतको बाड्डी चौर निस्कने सडकको ट्रयाक खोलि नसकेको जानकारी पायौ ।
सिमचौर हुँदै दिपायल निस्कने योजना बनायौ । रन्तौला गाउमा बिजुली बत्ति थिएन ।
सोलार पावरको प्रकासले जुनकिरीले छरेको प्रकास जस्तै
लाग्ने दृष्य चौतर्फी गाउबस्तिहरुमा देख्न पाउदा रमणिय सन्ध्याको आगनम भन्दै हामी
हौसियौ । सवारी साधनको ध्वनी प्रदुर्षण बाट टाढा भएको डोटीको रन्तौला गाउमा
हुन पाउदा हुलाकी राईडर समुह वाँह क्याँ
रमाईलो क्षण भन्दै एक आपसम खुशी साट्दै गफियौ। रन्तौला
गाउको खोलाको फ्रेस असला माछाका साथमा स्थानिय उत्पादन भएको ताजा खानेकुरा खायौ । बिस्तारामा ढल्ने बित्तिकै कुम्भकर्णको मित भए छौ ।
28 FEB 2024डोटी -अछामDAY-6
निलो आकास मुनि रन्तौला गाउको शिरमा अवस्थित बडिकेदार नाथको धाम बाट झरिरहेको स्वच्छ पवनको हुल साथै सिमचौर बाट कलिलो सूर्यको उषा मुस्कुराउदै आईरहेको प्रस्नन बिहानीमा कफीको सुर्का लगाउदै लजाउदै र लुक्दै बसेका बडिकेदार गाउपालिका भित्रका बस्तिहरु नियाल्यौ । रन्तौला गाउमा उत्पादित रैथाने खाजाका परिकार खायौ। रन्तौला गाउबाट विदावरी हुन अगाडी बडीकेदार गाउपालिकाको वडा नं ५ को वडा कार्यलय भवनको प्राङ्गनमा रन्तौला गाउ घुम्न आउनु भएको मा धन्यवादा भन्नु हुँदै वडा अध्यक्ष भिम बोहोर ज्यूले खादा लगाई दिनु भयो । भिम बोहोरा ज्यूलाई खादा र न्यानो आतिथ्यका लागि धन्यवाद भन्दै सिमचौर तिर लाग्यौ।
सिमचौर देखि सुर्खेत जोड्न मदनभण्डारी लोकमार्ग ट्रयाक नखोले पछि सिमचौर देखि दिपायल हुँदै साँफेबगर आजको साँझको बास बस्ने योजनाले गुड्यौ । बोकटाम गाउपालिकाको वडा नं १ सिमचौर गाउमा पुग्यौ । सिमचौर गाउमा पेट्रोल भर्दै गर्दा वडा अध्यक्ष खेम बहादुर मगर ज्यू संग परिचय भयो। उहाँले पनि हामीलाई उहाँको वडा नं १ को वडा कार्य कक्षमा लग्नु भई खादा र न्यानो आतिथ्य हामीलाई दिनु भयो। भविष्यमा फेरि भेट्ने आसा र हाम्रा लागि न्यानो आतिथ्यका लागि धन्यवाद भन्दै छुटियौ ।
सिमचौर देखि डोटी दिपायलका लागि गुडिरहदा बडीकेदार गाउपालिकाको बस्तिहरुका बारीका कान्लाहरुलाई हरियाली गहुँबारीले मोहित र आकर्षित पार्ने दृष्य नियाल्दै धुलो उडाउदै हुईकिरहयौ । टुडाल खोलामा ढुंगा धेरै भएकाले बाईक तार्दा थाकेर लोथ भयौ । पत्थरखेतमा खाजा तयार हुँदै थियो। टुडाल खोलामा भिजेको जुत्ता र लुगा घाममा सुकायौ। नाङ्गो ज्यान लाई भुसुनाले चरक्क हुने गरि टोक्न थाल्यो। केहि क्षणमा चिलाउने र रातो फोका उठ्न थाल्यो सबैको । कस्तो खालको भुसुना हो यहाको भन्दै खाजा बनाउदै गरेको दाईलाई सोध्यौ। यता तिरको भुसुना खतरा खालको छ। कसैलाई त घाउनै बनाई दिने कुरा बताए । यस्तो कालो दाग हुन्छ भन्दै पाखुरा र खुट्टामा भएका दाग देखाए।
हामीले बोकेको सुईचो दवाई दल्यौ। चिलाउन र रातो फोका उठ्न छोडयो ।
पत्थरखेतमा खाजा खाई सके पछि धुलो संग कुस्ति खेल्दै डोटीको वायल गाउमा पुग्यौ।
गाउमा रमाईलो ठाउ रहेछ। वायलमा चिया पिउदै थकान भुलायौ। दिपायल पुग्दा दिउसो 1600Hrs
भएकाले अछामको साँफेबगर तिर गुड्यौ। डोटी र अछामको सिमना चौखुट्टे पुग्दा गोधुली साँझले बिदाई गरि
सकेको थियो। सन्ध्या संग बाईकले छरेको प्रकास संग लुटपुट हुँदै छिप्पेको साँझमा साँफे
बगरको साईनो होटलमा बास रोज्यौ । कालिजको भुटुवा संग साँझको खाना खायौ ।
29 FEB 2024अछाम
-दैलेख -सुर्खेतDAY-7
सूर्यको उषा नतङ्ग्रिदै सेती नदीको सुस्केरा सुन्दै उक्लिदै गर्दा कलिलो सूर्यको उषा पाखा पखेरु तिर झर्दै गरेको देखिन्थ्यो। कैलास खोलाको फाँटमा अवस्थि जुनतारा खाजा घरमा कैलाश खोलाको फ्रेस असला माछा संग वाईवाईको सुप संग मिसाउदै घाम ताप्दै पेट अडिलो बनायौ । मंगलसेनमा पेट्रोल भर्यौ । मंगलसेन बाट गुड्दै गर्दा अपि र सैपाल हिमालको उपस्थिति मुस्कुराउदै बसेको देख्न साथ तस्विर र भिडियो खिच्यौ।
मध्य पहाडी लोक मार्गमा अनेकौ घुम्ति र कुईनेटाहरुलाई छिचोल्दै दैलेख र अछामलाई जोड्ने राकम स्थित कर्णाली नदीको पक्की पुलमा अडियौ । तस्विर र भिडियो खिच्यौ। कर्णाली राजमार्गका धुलोको जुलुस भित्र पस्दै दैलेखको पाल्तडामा कर्णाली नदीको असला माछा संग खान्की खायौ । पेट अडिलो बनायौ । कर्णाली नदीको निलो पानी नियाल्दै गुड्दै तल्लो ढुंगेश्वरमा राईडिङको थाकान मेटाउनलाई कागती चिया पियौ ।
सुर्खेत
निस्कनका लागि छोटो दुरी दैलेखको गुराँसे र राता नाङ्ला जाने सडक तिर गुड्यौ तल्लो
डुंगेश्वर बाट । लोहोरे खोलाले फ्याँकेको स्वच्छ पवन संग बयली खेल्दै गुराँसेको
थुम्कामा अवस्थित सुविधा समपन्न होटलमा कफीको सूर्का लगायौ। बिभिन्न सडकका
कुईनेटाहरु छिचोल्दै सुर्खेतको दर्शन होटलमा बास रोज्यौ । मध्यपानको साथमा
छिप्पेको साँझलाई कटायौ होटल दर्शनको टेवल बाट
01 March 2024सुर्खेत
-सल्यान -दाङ -प्यूठानDAY-8
सुर्खेतको बुलबुले ताल दृष्यालोकन पश्चात सुर्खेतको उपत्यका बाट बिहानको 0700Hrs बाहिरियौ । छिञ्चुमा पुग्दा सूर्यको पारिलो ताप लिदै खाजा खायौ । भेरी नदीको सुस्केरा संग बयली खेल्दै बोटेचौरमा पुग्यौ । बाेटेचौर देखि मदन भण्डारी लोकमार्ग फराकिलो र पिच सडकमा अनैकौ घुम्तिहरु छिचोल्दै रमणिय गाउ बस्तिहरु नियाल्दै बिभिन्न खोचमा सङ्लो पानी बगेका खोलाहरु हेर्दै कतै पर्खाल लगाए जस्तै उभिएका पर्वतमालाहरुको आकृति दृष्यालोकन गर्दै सल्यान जिल्लाको कालीमाटी गाउपालिकाको रामनगर गाउमा प्रवेष गर्यौ ।
रामनगर गाउको बिचमा शारादा नदीको कञ्चन पानी बगिरहेको दृष्यले हामी जस्ता घुम्तेका लागि तस्विर र भिडियो खिचेर कोशेली लिएर जानका लागि निम्दो दिन थाल्यो। हरियाली गहुँबारी र तोरी फूलेर ढपक्क ढाकेर बसेका टारबारीहरुको शौन्दर्यले उत्साहितको तरंग मडारिन थाल्यो हामीमा । रामपुर गाउको दृष्यले भविष्यमा बिभिन्न ऋतुअनुसार पुनः घुम्ने निम्तो जगायो भन्दै भिडियो र तस्विर खिच्यौ । वाँह क्याँ बेतोडको वतावरण रामपुर भन्दै रामपुरको वतावरण बाट छुटियौ ।
दाङको तुल्सीपुर हुँदै घोराही होटल मालामा खाना खायौ । दाङ घोराही बाट 20165 र 20189 गुरुजी हुलाकी राईडिङ टिम बाट काठमाण्डु आउनु पर्ने भएकाले 1300Hrs उहाँहरु लमही हुँदै महेन्द्रराजमा मार्ग तिर लाग्नु भयो । हामी ३ जना 14449 14505 र 20115 घोराहीको ट्राफिक चोक बाट दाङ प्युठान खण्डको मदन भण्डारी लोकमार्ग तिर गुड्यौ।
सिमेट कारखानाका
लागि ढुंगा माटो बोकेर आईरहेका ट्रक र लिनका लागि खाली ट्रकहरुले उडाएको धुलोको बथान संग हंगमा गर्दै १ घण्टा सम्म कुस्ति
खेल्यौ । प्यूठानको चकचके लागि सोझिने क्रममा रमणिय गाउहरु डाँडा थुम्काहरु देखि
नाङ्गा पर्वतमाहरु आँखाको नानी भित्र राख्दै प्युठानको अरुण खोलाको आडमै अवस्थित
देविस्थान गाउमा आईपुग्यौ । राप्ती नदीलाई दाहिने बनाउदै चकचकेमा झिम्रुक खोलाको
सुस्केरामा कफीको सुर्का लगायौ । जुम्री गाउको होटल आष्युमा बास बस्यौ । आँखाले
हेरि भ्याउने जुम्री गाउ फराकिलो फाँट रहेछ। बिचमा झिम्रुक खोला बग्दो रहेछ ।
02 March 2024प्यूठान-
अर्घाखाँची- गुल्मी -पाल्पाDAY-9
प्युठानको जुम्री गाउ बाट झिम्रुक खोलाको स्वच्छ पवनले धकाल्दै हामीलाई प्युठानको सदरमुकाम खंलगामा पुग्दा सूर्यको कलिलो उषालाई पानी पार्ने बादले छेकेर राखेको देखिन्थ्यो । खलंगाको बसपार्कमा चिसो वतावरणमा खाजा खायौ । अर्घाखाँचीको संन्धिखर्क पुग्ने सडक सोघ्दै संन्धिखर्क तर्फ सोझियौ। बिचमा गुड्दै गर्दा मेरो बाईले तान्न छोड्यो र धुलाम्मे सडकमा बल्ड्याक खाए । 14449 साहेवले उठाउ सहयोग गर्नु भयो बाईक । मेरो बाईक उकालोमा तान्न छोडे पछि २ घण्टा त्यहि ठाउमा बस्यौ । 20115 गुरुजी लाई संन्धिखर्क बजारमा खाना अडर गर्नका लागि अगाडि पठायौ । प्युठानको खलंगाबाट १ घण्टा ३०मिनेटमा संन्धिखर्क बजारमा पुग्यौ ।
शनिवार भएकाले संन्धिखर्क बजारमा चहलपहल देखिदैन्थ्यो। होटल साथीमा खाना खायौ ।संन्धिखर्क बाट तमघास नपुगि सिधै रिढी जाने सडक सोध्दै संन्घिखर्कको चिहान डाँडाबाट दाहिने लाग्यौ । मदन भण्डारी राजमार्गको सडक फराकिलो बनाईएको तर अझै पिच नभएकाले धुलो उडाउदै धमिराले उठाएको दिउल जस्तै लाग्ने बस्तिहरु नियाल्दै रिढी खोलामा आईपुग्यौ। गाउलेहरु खोलाका छेवैमा नुहाईरहेका र लुगा घुईरहेका देखिन्थे। रिढीखोला लाई पच्छाउदै पाल्पा र गुल्मी जोड्ने पक्की पुल रिढी बजारमा आईपुग्यौ ।
रिढी बजारमा कफि र पानी पियौ। रिढी बजार छोड्न अगाडि त्रिमुखे झोलुङ्गे पुल कालीगण्डीक नदीमा निर्मित हेर्न गयौ । बिचमा पहेलो रंगको खम्बाले निर्मित झोलुङ्गे पुलले स्याङ्जा गुल्मी र पाल्पाका गाउहरुलाई जोड्ने माध्यम भएकाले उक्त पुलको तस्विर र भिडियो खिच्यौ । ऐतिहासिक महल रानीमहल र तानसेन जाने सूचना पाटी देख्यौ । पाल्पाको रामनगर पुग्ने आजको योजना भएकाले रानीमहल हेर्ने योजना भविष्यमा आउला भन्दै अर्गौलीको फाँट नियाल्दै पाल्पाको तानसेन तिर सोझियौ । तानेसन बजारको शिर बाट रामपुर जाने बाटो सोध्दै आरे भञ्ज्याङ बजारमा पुग्यौ र कफि पिउदै राईडिङको थकान भुलायौ ।
पोखरा जाने सडकमा गुड्दै पाल्पाको पिपलडाँडा बाट पाल्पाको रामपुर जाने फराकिलो र चिल्लो सडकमा बाईको गतिलाई 70 किलो मिटर प्रतिघण्टामा बटार्यौ । कालीगण्डीको कहाली लाग्दो अक्कर फोडेर बनेको मदन भण्डारी लोकमार्ग बनेको देख्दा तस्विर र भिडियो खिच्नका लागि लोभ्यायो हामीलाई। कालीगण्डकी निलो रंगको रुपधारण गरि आफ्नै सुस्केरमा बगिरहेको दृष्य देखिन्थ्यो।
अक्करको फराकिलो राजमार्गमा बाईकको गतिलाई बढाउदै रामपुरको बिशाल फाँटलाई
नियाल्दै पुछारमा आफ्नै लयमा बग्दै गरेको कालीगण्डकीलाई पच्छ्याउदै होटल नमस्ते
पाल्पामा बस्यौ । उक्त होटल राजमार्गबाट ३किलो मिटर भित्र पुरो बजारमा रहेछ।
सुविधा युक्त होटलमा नुहाएर फ्रेस भयौ । हुलाकी राईडिङ ट्रेलको आज अन्तिम साँझ
भएकाले मध्यपानको साथमा सितन खाँदै साँझको 2100Hrs सम्म
गफियौ ।
03 March 2024पाल्पा
-नवपरासी- चितवन -धादिङ- नुवाकोट- काठमाण्डुDAY-10
पाल्पाको रामपुरको बस्तिमा कलिलो बिहानको रुप देख्न पाएनौ । पानी पार्ने बादलको हुलले आकासलाई ढाकेको देखिन्थ्यो क्षितिज सम्म। दिन ठुस्केको देखिन्थ्यो। हिड्ने बेलामा वतावरण रुन थाल्दै सिमसिम पानी पर्न थाल्यो । शुभसाईत भयो भन्दै चिसो बिहानी र सिमसिम पानीको वतावरणमा रमाउदै रामपुर देखि नवलपरासीको गैडाकोट सम्मको मदन भण्डारी लोकमार्ग तिर गुड्न थाल्यौ। स्याँउले गाउमा खाजाको लागि अडियौ ।
आगनकै छेवैमा कालीगण्डीले होहल्ला ननिकाली आफ्नै गतिमा बगिरहेको देखिन्थ्यो। पाल्पा र तनहु जोड्ने पक्की पुल निर्माण भईरहेको देखिन्थ्यो। पाल्पाको स्याउले बाट तनहुको भिमाद पुग्नलाई १घण्टा ३०मिनेट लाग्ने त्यस पछि भिमान देखि पृथ्बीराजमार्ग करिव ३०मिनेट पुग्ने कुरा स्थानिय बाट सुन्न पाईयो। कुनै दिन तनहुको भिमाद हुँदै पाल्पाको रामपुर आउने मनमनै योजना उब्जिन थाल्यो । स्याँउलेको ओसिलो बिहानीमा खाजाले पेट तातो बनाई नवलपरासीको गैडाकोट तिर सोझियौ ।
सिमसिम पानी परिरहेको थियो। मदन भण्डारी राजमार्गमा सवारी साधनहरु चुपचाप भएकाले हामी आफ्नै नीजि राजमार्ग हो भन्दै गुडिरहेका थियौ । पाल्पा र नवपरासीको सिमाना नजिकै आउदा अक्कर चिरेर बनेको राजमार्ग भेटिन थाले पछि तस्विर र भिडियो सम्झनाका लागि खिच्यौ । 14449 साहेबले अंग्रेजी गीत बजाउनु थाल्नु भयो र अंग्रेजी गीतमा नाच्न थाल्यौ । पानी पर्न छोडिसकेको थियो। कालिगण्डकी तल पुछारमा चेपीदै आफ्नै गतिमा बगिरहेको थियो। उक्त अक्करमा ३०मिनेट भुल्यौ ।
पर्खाल लाएजस्तै लाग्ने थुम्का छिचोल्दै चुरेको जंगल भित्र पस्दै महेन्द्र राजमार्गको नवलपरारीको कालीगण्डकी चोक गैडाकोटमा निस्क्यौ । गैडाकोटको नारायणी रिसोर्टमा कफीको दनक लगायौ । मुग्लिनमा खाना खाने योजनाले नारायणी नदीको पक्कीपुल तरि मुग्लिन तिर सोझीदै गर्दा दासढुंगा आईपुग्दा पानी पर्न थाल्यो । मुग्लिनमा खाना खाने योजना बदर गरी पानीले गर्दा दासढुंगामा खायौ । खाना खाईसक्दा पानी रहन थाल्यो ।
हर्षित मुद्रमा बगिरहेको नारायणी नदी नियाल्दै मुग्लिनमा पुगेर कफीको सुर्का लगायौ। कफी पिए पश्चात 20115 गुरुजी गोर्खा बजार तिर लाग्नु भयो । 14449 र 14505 काठमाण्डु तिर लाग्यौ । फेरि भेटौला भन्दै ।
गल्छि बाट टोखा हुँदै काठमाण्डु निस्कने सडक तिर लाग्यौ। नुवाकोटको कल्पुटारमा कफी ब्रेक गर्यौ । त्रिशुली नदीको बतास संग टारबारीमा लगाईएका हरियाली गहुँ बारी नियाल्दै राईडिङको थकान भुलायौ । गंगटे बाट त्रिशुली नदीलाई पछाडि राख्दै लिखु खोलालाई अंगालोमा राख्दै छरहे बाट उक्लियौ । उक्लिदै गर्दा गुर्जेभञ्ज्याङ आईपुग्दा सिससिमेपानी र चिसो सिरेटोको हुलले खेदाउन थाल्यौ हामीलाई । टोखा बाट 14449 साहेव बुढानिलकंण्ठ तिर लाग्नु भयो म गंगाबु तिर सोझिए ।